Монголын Блогчдын Холбоо

Таны амьдралыг зугаатай болгох WAW.GOGO.MN ...

2011-02-22T15:33:00.002+08:00

Үндэсний портал GoGo.mn хэрэглэгч Та бүхэндээ ээлжит бэлгээ задалж байна.

Дэлхий дахинаа түгэн дэлгэрч буй интернэтийн олон төрөлт үйлчилгээнүүдээс хамгийн шилдгүүдийг Монголынхоо хэрэглэгч олондоо нэвтрүүлж байдаг манай хамт олон энэ удаад иргэдийн хамгийн их сонирхлыг татдаг варез сайтыг танилцуулж байгаа юм.

Энтертаймент агуулга бүхий WAW.GOGO.MN сайт бүх насныханд зориулагдсан бөгөөд амьдралын хамгийн сонирхолтой бүхнийг таашаан үзэхээс гадна хэрэглэгч та бүхний танин мэдэхүй, гоо зүйн боловсролд тань хувь нэмэр оруулах зорилготой юм.

Сэтгэлд үлдсэн сайхан аялгуунуудаас сонсож, сонирхолтой кино, зураг, тоглолт урлагийн бүтээлүүдийг WAW.GOGO.MN сайтаас мэдэрч, үзээрэй.

“Сонин хачин”, “Урлаг”, “Хөгжим”, “Видео”, “Вектор”, “Э-Номын сан”, “WAW клуб” зэрэг булангуудыг Та бүхэн WAW.GOGO.MN –ээс үзэх боломжтой.

Бид WAW.GOGO.MN сайтад хамтран ажиллах сонирхолтой байгууллага хамт олон, хувь хүмүүстэй нээлттэй ажиллах болно.

Таны амьдралыг зугаатай болгох WAW.GOGO.MN-нд Та бүхэн тухлан саатаж, таалан соёрхоно уу.

Амьдралд “Waaaaaw ……” хэмээн дуу алдах тохиолдол чамгүй их.

Үндэсний портал GoGo.mn

Хосын дугаар

2011-02-17T10:11:00.003+08:00

/Зурган дээр дараад томоор нь харах хэрэгтэй/

Хосууд 247 өдөр "Би чамд хайртай" гэж бие биедээ хэлнэ гэсэн чинь АААААЯАЯААА. Гоё байна шүү.

Виртуал ертөнцийн авъяастнууд цуврал уралдаан № 1 - “НАЙЗ...“

2010-12-23T12:00:00.000+08:00

“НАЙЗ...” СЭДЭВТ УРАЛДААНЫ УДИРДАМЖ

Залуусын iD брэнд, Монголын Блогчдын Холбоо, Монки.мн сайт, Монголын Компьютер Графикийн холбоо, хамтран 2010оны 12 сарын 23-аас 2011оны 01 сарын 23 хүртэл өдрүүдэд “Найз” сэдвээр

Блог бичлэг /нийтлэл, шүлэг, өгүүллэг/
Чөлөөт бүтээл /фото болон гар зураг, 2D ба 3Dкомпьютер графикийн ажлууд, дуу болон миксүүд, гар урлал, видео гэх мэт юу чаддаг тэр авъяасаараа оролцох/

төрлүүдээр шилдгийг шалгаруулах уралдаан зарлаж байна.

Тус уралдааны гол зорилго нь залуусын өөрийгөө үнэлэх, илэрхийлэх, бусадтай санал бодол, хүсэл тэмүүллээ хуваалцах боломжийг интернэт орчинд дэмжиж шилдэг санаа, бүтээлч сэтгэлгээ, өрсөлдөх чадвар, найруулга, илэрхийлэл бүхий бүтээлүүдийг шалгаруулж шагнахад оршино.

“Найз”уралдааны журам

1. Уралдаанд бүтээл ирүүлэгч нь аль ч улсад амьдардаг хэн ч байж болох бөгөөд нас, хүйс үндэс угсаа ялгаварлахгүй.

2. Бүтээл нь утга уянгын, шог хошин, элэглэл, шүүмжлэл гэх мэт ямар ч хэлбэрээр байх боломжтой бөгөөд уралдаанд оролцогчийн зөвхөн өөрийн бүтээл байна.

3. Бүтээл нь Монгол Улсын хууль тогтоомжуудад санаатай болон санамсаргүй харшлахгүй, аллага хүчирхийллийг дэмжихгүй, садар самууныг сурталчилахгүй, бусдын нэр хүнд хувийн нууцад халдахгүй, хуурахгүй, ялгаварлан гадуурхахгүй, турхирахгүй, дайрч доромжлохгүй, хувийн болон албаны нууцыг олонд дэлгэхгүй, зохиогчийн эрхэнд харшлахгүй байж нийтлэлийн ёс зүйг сайтар хангасан байна.

4. Блог бичлэгийн бүтээлийг компьютер дээр Unicode ашиглан бичиж www.monkey.mn сайтын уралдааны бүтээл хүлээж авах хэсэгт оруулна. Бүтээлээ оруулахдаа, тус сайтын Мэдээ нийтлэх цэсээр орж “Найз” уралдаан ангилалыг сонгож нийтэлнэ.

5. Чөлөөт бүтээлүүд болох богино болон урт хэмжээний аудио дуу болон микс, ремикс, видео бичлэг зэрэг бүтээлүүдийг Youtube.com вэбсайтад оруулж, embedcode-г монки.мн сайтад зааврын дагуу оруулан нийтлэнэ.

1. Фото, графикийн ажлуудыг Flickr.com зэрэг вэбсайтуудад оруулж монки.мн сайтад зураг оруулах зааврын дагуу нийтэлнэ.

Мэйлээр ирүүлсэн бүтээлийг http://www.facebook.com/iDbyUnitel нийтлэж like / /-ийн тоогоор тодруулна.

6. Уралдаанд ирсэн бүтээлүүдийг чөлөөтэй сэтгэсэн байдал, найруулга, уран сэтгэмж, шинэлэг санаа, өвөрмөц шийдэл, нийт уншигчдын сэтгэгдэл, үнэлгээг / / харгалзан Юнител корпораци, Монголын Блогчдын Холбоо, Монголын Компьютер Графикийн холбооны хамтарсан шүүгчдийн баг шүүнэ.

7. Уралдаанд ирэх бүтээлүүдийг 2010 оны 12-р сарын 23-оос 2011 оны 1-р сарын 23 өдрийг дуустал хүлээж авна.

8. Уралдааны эцсийн дүнг 2011 оны 1 сарын 31-нд танилцуулж байрыг тодруулна.

9. Уралдаанд төрөл тус бүрээр 3 байр шалгаруулж шагнана.

I байр2- Blackberry Curve гар утас + Монгол / Англи зурагт толь бичиг

II байр2- Live modem + Монгол / Англи зурагт толь бичиг

III байр2- iD азын мөнгөн дугаар + Монгол / Англи зурагт толь бичиг

10. Уралдаанд ирсэн бүтээлүүд нь зохиогчдын оюуны өмч байх бөгөөд зохион байгуулагчид тэдгээрийг ашиглах, хэвлэн нийтэлж олон нийтийн хүртээл болгох эрхтэй.

iD брэнд

Монголын Блогчдын Холбоо

Монголын Компьютер Графикийн Холбоо

www.monkey.mn

“I am…” сэдвээр блог нийтлэлийн уралдаан зарлаж байна.

2010-05-04T10:40:00.002+08:00

Залуусын шинэ брэнд iD, Монголын Блогчдын Холбоо, Монки.мн сайт хамтран 2010оны 5 сарын 03-аас 17-ны өдрүүдэд “I am…” сэдвээр блог нийтлэлийн уралдаан зарлаж байна.

Тус уралдааны гол зорилго нь хүний өөрийгөө үнэлэх, илэрхийлэх, бусадтай санал бодол, хүсэл тэмүүллээ хуваалцах боломжийг интернэт орчинд дэмжиж шилдэг санаа, найруулга, илэрхийлэл бүхий бичлэгүүдийг шалгаруулж шагнахад оршино.

“I am…” нийтлэлийн уралдааны журам

1. Уралдаанд бүтээл ирүүлэгч нь аль ч улсад амьдардаг хэн ч байж болох бөгөөд нас, хүйс, үндэс угсаа ялгаварлахгүй.

2. Бүтээл нь утга уянгын, шог хошин, элэглэл, шүүмжлэл гэх мэт ямар ч хэлбэрээр бичсэн нийтлэл байх боломжтой бөгөөд уралдаанд оролцогчийн зөвхөн өөрийн бүтээл байна.

3. Бүтээл нь Монгол Улсын хууль тогтоомжуудад санаатай болон санамсаргүй харшлахгүй, ямар нэгэн ил далд сурталчилгаа хийхгүй, айлган сүрдүүлэхгүй, аллага хүчирхийллийг дэмжихгүй, садар самууныг сурталчилахгүй, бусдын нэр хүнд хувийн нууцад халдахгүй, хуурахгүй, ялгаварлан гадуурхахгүй, турхирахгүй, дайрч доромжлохгүй, хувийн болон албаны нууцыг олонд дэлгэхгүй, зохиогчийн эрхэнд харшлахгүй байж нийтлэлийн ёс зүйг сайтар хангасан байна.

4. Бүтээлийг компьютер дээр Unicode ашиглан бичиж www.monkey.mn сайтын уралдааны бүтээл хүлээж авах хэсэгт оруулна. Бүтээлээ оруулахдаа, тус сайтын Мэдээ нийтлэх цэсээр орж “I am…” уралдаан ангилалыг сонгож нийтэлнэ.

5. Уралдаанд ирсэн бүтээлүүдийг чөлөөтэй сэтгэсэн байдал, найруулга, нийт уншигчдын сэтгэгдэл, үнэлгээ зэргийгүндэслэн Юнител корпораци, Монголын Блогчдын Холбоо, Монки.мн сайтын хамтарсан шүүгчдийн баг шүүнэ.

6. Уралдаанд ирэх бүтээлүүдийг 2010оны 5-рсарын 01-ээс 15 хүртэл хүлээж авах бөгөөд хугацаанаас хэтэрсэн тохиолдолд хүлээж авахгүй.

7. Уралдаанд 3 байр шалгаруулж шагнана.

1-р байр: iD брэндийн шинэ дугаар + LIVE интернэт модем + 3 сарын үйлчилгээний эрх

2-р байр: iD брэндийн шинэ дугаар 100 мянган төгрөгийн ярианы эрхтэй

3-р байр: iD брэндийн шинэ дугаар 50 мянган төгрөгийн ярианы эрхтэй

8. Уралдаанд ирсэн бүтээлүүд нь зохиогчдын оюуны өмч байх бөгөөд тус уралдааныг зохион байгуулагчид тэдгээрийг эзэмших, хэвлэн нийтэлж олон нийтийн хүртээл болгох эрхтэй.

Залуусын шинэ брэнд iD

Монголын Блогчдын Холбоо

Монки Контент ХХК

“Сэтгэлд хоногшсон кино” сэдвээр блог нийтлэлийн уралдаан зарлаж байна.

2009-12-03T14:08:00.001+08:00

“Өргөө Кино Театр”, “Монголын Блогчдын Холбоо”, “Монки.мн” сайт хамтран 2009 оны 12 сарын 01-ээс 12 сарын 14-ны өдрүүдэд “Сэтгэлд хоногшсон кино” сэдвээр блог нийтлэлийн уралдаан зарлаж байна.

Тус уралдааны гол зорилго нь Кино ертөнцийн тухай блогчдын бодол сэтгэгдлийг нээх, нийгэмд хүргэх, уншигчдын оюуны цангааг тайлах нийтлэлийг төрүүлэн олон нийтийн хүртээл болгоход оршино.
________________________________________________________________

“Сэтгэлд хоногшсон кино” нийтлэлийн уралдааны журам

1. Уралдаанд бүтээл ирүүлэгч нь аль ч улсад амьдардаг хэн ч байж болох бөгөөд нас, хүйс үндэс угсаа ялгаварлахгүй.

2. Бүтээл нь киноны тухай шог хошин, шүүмжлэл гэх мэт ямар ч хэлбэрээр бичсэн нийтлэл байх боломжтой бөгөөд уралдаанд оролцогчийн зөвхөн өөрийн бүтээл байна.

3. Бүтээл нь Монгол Улсын хууль тогтоомжуудад санаатай болон санамсаргүй харшлахгүй, ямар нэгэн ил далд сурталчилгаа хийхгүй, айлган сүрдүүлэхгүй, аллага хүчирхийллийг дэмжихгүй, садар самууныг сурталчилахгүй, бусдын нэр хүнд хувийн нууцад халдахгүй, хуурахгүй, ялгаварлан гадуурхахгүй, турхирахгүй, дайрч доромжлохгүй, хувийн болон албаны нууцыг олонд дэлгэхгүй, зохиогчийн эрхэнд харшлахгүй байж нийтлэлийн ёс зүйг сайтар хангасан байна.

4. Бүтээлийг компьютер дээр Unicode ашиглан бичиж www.monkey.mn сайтын уралдааны бүтээл хүлээж авах хэсэгт оруулна. Бүтээлээ оруулахдаа, тус сайтын Мэдээ нийтлэх цэсээр орж “Сэтгэлд хоногшсон кино” ангилалыг сонгож нийтэлнэ.

5. Уралдаанд ирсэн бүтээлүүдийг нийт уншигчдын сэтгэгдэл, санал, үнэлгээг үндэслэн Өргөө синема, Монголын Блогчдын Холбоо, Монки.мн сайт хамтран шүүнэ.

6. Уралдаанд ирэх бүтээлүүдийг 2009 оны 12 сарын 01-ээс 12 сарын 14 хүртэл хүлээж авах бөгөөд хугацаанаас хэтэрсэн тохиолдолд хүлээж авахгүй.

7. Уралдаан 3 байр шалгаруулж дүгнэнэ.

I байр- VIP тасалбар 2 ширхэг + Пепси Кола ундаа + Поп корн (Вип тасалбараар бүтэн сарын туршид хосоороо Өргөө кино театрт дуртай киногоо үзэх эрхтэй болох бөгөөд попкорн болон Пепси Кола ундаа үнэгүй)

II байр- Энгийн тасалбар 2 ширхэг + Пепси Кола ундаа + Поп корн (Энгийн тасалбараар нэг удаа Өргөө кино театрт хосоороо дуртай киногоо үзэх эрхтэй болох бөгөөд попкорн болон Пепси Кола ундаа үнэгүй)

III байр- Энгийн тасалбар 2 ширхэг (Энгийн тасалбараар нэг удаа Өргөө кино театрт хосоороо дуртай киногоо үзэх эрхтэй)

8. Тус уралдааны шагналыг 16-ны Лхагва гаригт Өргөө кино театр дээр гардуулна.

9. Уралдаанд ирсэн бүтээлүүдийг зохион байгуулагч байгууллагууд эзэмших, хэвлэн нийтэлж олон нийтийн хүртээл болгох эрхтэй.
_______________________________________________________________________
Жич: Тус уралдааныг ивээн тэтгэх боломж бүх албан байгууллага, хувь хүмүүст нээлттэй бөгөөд Монгол хүний оюуны бүтээл төрүүлэх боломжийг олгож тус уралдааны ивээн тэтгэгчээр хамтарч ажиллахыг урьж байна.
_______________________________________________________________________

Өргөө Кино Театр
Монголын Блогчдын Холбоо
Монки Контент ХХК

Блог бидний амьдралд өдөрлөг амжилттай болж өндөрлөв

2009-10-05T14:12:00.001+08:00

Монгол Улсад Шуудан Харилцаа Холбооны салбар үүсэн байгуулагдсаны 88 жилийн ойг тэмдэглэн өнгөрүүлэх ажлын хүрээнд МТҮПарк, Монголын Блогчдын Холбоо, WWW.MONKEY.MN сайт хамтран зохион байгуулсан “Блог бидний амьдралд” өдөрлөг 2009 оны 10 дугаар сарын 2-ны өдөр буюу өнгөрсөн Баасан гаригт амжилттай болж өнгөрлөө.

Тус өдөрлөг дээр блогчид уригдан ирж "Блог гэж юу вэ?" тухай ерөнхий мэдлэгийг блогч Сторми, "Блог ба иргэний сэтгүүл зүй" чиглэлээр сэтгүүлч блогч А.Амарсайхан, "Блог ба хууль эрхзүй" сэдвээр блогч Обод, блогч Дэппсү маань "Блог ба аюулгүй байдал", "Блог ба мөнгө" сэдвээр блогч Санакае нар маш сонирхолтой илтгэлүүдийг тавилаа. Илтгэлүүд маань ирсэн зочдод маш өгөөжтэй мэдлэг олгосон гэдэгт эргэлзэхгүй байна.

Өдөрлөгийн төгсгөлд "Өнөөгийн Монгол" блог нийтлэл, богино өгүүллэгийн уралдаанд түрүүлсэн нийтлэгчидэд шагнал гардуулав. Уралдааны тэргүүн байрын шагналыг блогч Б.Занданхүү /Segsger/ "Сэтгэл хуучирдаггүй" нийтлэлээрээ, удаах байрыг блогч В.Ганзориг /Royal Synergy/ "Амьдралын үнэ цэнэ ба хувиа хичээх үзэл", гутгаар байрыг блогч З.Хэрлэн "Эх нь булингартай бол адаг нь ч бас..." нийтлэлээрээ тус тус эзэлж өргөмжлөл, ивээн тэтгэгчдийн шагналаар шагнагдлаа.

Энэ дашрамд хамтарч ажилласан МТҮП, www.monkey.mn сайт, бидний үйл ажиллагааг ивээн тэтгэж дэмжиж ажилласан "Праксис" ХХК, Блогч Сторми, мэдээллээр ивээн тэтгэсэн www.gogo.mn www.blogmn.net www.banjig.net "Өдрийн сонин"-ы хамт олонд Монголын Блогчдын Холбооноос талархал илэрхийлж цаашдынх нь ажилд нь амжилт, амьдралд нь аз жаргал хүсэн ерөөж байна.

“Блог бидний амьдралд” өдөрлөг зохион байгуулж байна.

2009-10-02T09:29:00.000+08:00

2009 оны 10 дугаар сарын 2-ны өдрийн 14.00 цагаас Мэдээллийн Технологийн Үндэсний Паркийн хурлын танхимд МТҮПарк, Монголын Блогчдын Холбоо, WWW.MONKEY.MN сайт хамтран “Блог бидний амьдралд” өдөрлөгийг зохион байгуулж байна.

Тус өдөрлөг нь Монгол Улсад Шуудан Харилцаа Холбооны салбар үүсэн байгуулагдсаны 88 жилийн ойг тэмдэглэн өнгөрүүлэх ажлын хүрээнд зохиогдож байгаа бөгөөд оюутан залуучууддаа интернэтэд өөрийн орон зайгаа бий болгох өөрийгээ таних, найзлан нөхөрлөх, нэгдэн нягтрах, идэвхитэй амьдрах, интернэтээр мөнгө олох боломжуудын талаар мэдлэг олгохоор

* Блог гэж юу вэ?
* Блог ба иргэний сэтгүүл зүй
* Блогийн нийгэмд үзүүлэх нөлөө
* Блог ба мөнгө (Блогоор мөнгө олох тухай)
* Блог ба найз, нөхөрлөл
* Блог ба хууль эрхзүй
* Блог ба аюулгүй байдал

зэрэг олон сонирхолтой илтгэлүүд тавигдаж, ярилцлага өрнүүлэх гэж байгаа тул та бүхнийг өргөнөөр оролцохыг урьж байна.

Та өнөөгийн нийгэмдээ хөл нийлүүлэн алхахыг хүсэж байгаа бол “Блог бидний амьдралд” өдөрлөгт тавтай морилно уу.

Мэдээллийн Технологийн Үндэсний Парк
Монголын Блогчдын Холбоо
WWW.MONKEY.MN сайт

Өнөөгийн Монгол” сэдвээр насанд хүрэгчдийн дунд блог нийтлэл, богино өгүүллэгийн уралдаан зарлаж байна

2009-09-09T23:01:00.034+08:00

“Мэдээллийн Технологийн Үндэсний Парк”, “Монголын Блогчдын Холбоо”, “www.monkey.mn” сайт хамтран 2009 оны 9 сарын 10-наас 9 сарын 30-ны өдрүүдэд “Өнөөгийн Монгол” сэдвээр насанд хүрэгчдийн дунд блог нийтлэл, богино өгүүллэгийн уралдаан зарлаж байна.

Тус уралдааны гол зорилго нь өнөөгийн Монголын нийгэмд оршиж буй ямар ч асуудлуудыг хөндсөн, орчин үеийн оюуны цангааг тайлахуйц сод бүтээл, шилдэг блог нийтлэл, богино өгүүллэгийг төрүүлэн олон нийтийн хүртээл болгоход оршино.

___________________________________________________________
Мэдээллийн ивээн тэтгэгч нар:

Ивээн тэтгэгч:

___________________________________________________________

“Өнөөгийн Монгол” сэдэвт богино өгүүллэг, блог нийтлэлийн уралдааны журам

1. Уралдаанд бүтээл ирүүлэгч нь аль ч улсад амьдардаг байж болох бөгөөд насанд хүрсэн байна.

2. Бүтээл нь богино өгүүллэг эсвэл нийтлэл байх бөгөөд уралдаанд оролцогчийн зөвхөн өөрийн бүтээл байна.

3. Бүтээл нь Монгол Улсын хууль тогтоомжуудад санаатай болон санамсаргүй харшлахгүй, ямар нэгэн ил далд сурталчилгаа хийхгүй, айлган сүрдүүлэхгүй, аллага хүчирхийллийг дэмжихгүй, садар самууныг сурталчилахгүй, бусдын нэр хүнд хувийн нууцад халдахгүй, хуурахгүй, ялгаварлан гадуурхахгүй, турхирахгүй, дайрч доромжлохгүй, хувийн болон албаны нууцыг олонд дэлгэхгүй, зохиогчийн эрхэнд харшлахгүй байж нийтлэлийн ёс зүйг сайтар хангасан байна.

4. Бүтээлийг компьютер дээр Unicode ашиглан бичиж www.monkey.mn сайтын уралдааны бүтээл хүлээж авах хэсэгт оруулна. Бүтээлээ оруулахдаа, тус сайтын Мэдээ нийтлэх цэсээр орж “Өнөөгийн Монгол” ангилалыг сонгож нийтэлнэ.

5. Уралдаанд ирсэн бүтээлүүдийг нэрт сэтгүүлч, шог зохиолч А. Амарсайхан, нэрт сэтгүүлч, судлаач Б. Галаарид, нэрт сэтгүүлч, шинжээч Д. Цэрэнжав нар болон нийт уншигчид, хандагчид маань шүүх юм.

6. Уралдаанд ирэх бүтээлүүдийг 2009 оны 09 сарын 25-ны өдрийн 24.00 цаг хүртэл хүлээж авах бөгөөд хугацаанаас хэтэрсэн тохиолдолд хүлээж авахгүй.

7. Уралдаан 3 байр шалгаруулж дүгнэнэ.

I байр- Өргөмжлөл, www.monkey.mn сайтад 200.000 төгрөгийн баннер байрлуулах эрх, “Праксис” ХХК-аар Хятад улсын аль ч сургуульд үнэгүй зуучлуулах шагнал (зөвхөн сургалтын төлбөр шаардагдана), Ивээн тэтгэгчийн шагнал

II байр- Өргөмжлөл, www.monkey.mn сайтад 150.000 төгрөгийн баннер байрлуулах эрх, Ивээн тэтгэгчийн шагнал

III байр- Өргөмжлөл, www.monkey.mn сайтад 100.000 төгрөгийн баннер байрлуулах эрх

8. Тус уралдааны шагналыг 2009 оны 10 сарын 02-ны өдөр Монгол улсад Мэдээлэл Шуудан Харилцаа Холбооны салбар үүсч хөгжсөний 88 жилийн ойн арга хэмжээний хүрээнд Мэдээллийн Технологийн Үндэсний Парк дээр зохион байгуулагдах “Блог бидний амьдралд” өдөрлөг дээр шалгаруулж гардуулна.

9. Уралдаанд ирсэн бүтээлүүдийг зохион байгуулагч байгууллагууд ашиглах, хэвлэн нийтэлж олон нийтийн хүртээл болгох эрхтэй.
___________________________________________________________

Жич: Тус уралдааныг ивээн тэтгэх боломж бүх албан байгууллага, хувь хүмүүст нээлттэй бөгөөд Монгол хүний оюуны бүтээл төрүүлэх боломжийг олгож тус уралдааны ивээн тэтгэгчээр хамтарч ажиллахыг урьж байна.

Бид нийтлэлийн уралдаанаа төрөл бүрийн хэвлэл мэдээллийн хэрэгслэлүүдээр сурталчлахдаа ивээн тэтгэгчийнхээ сурталчилгааг боломжит бүх хувилбараар хийж алдаршуулах болно.
___________________________________________________________

Мэдээллийн Технологийн Үндэсний Парк
Монголын Блогчдын Холбоо
Монки Контент ХХК

МТҮП ба Монголын Блогчдын Холбооны уулзалт

2009-04-09T15:23:00.006+08:00

Удаан хугацааны дараа нийт дэмжигч блогчдынхоо энэ өдрийн амар амгаланг айлтган мэндчилж байгаадаа бид баяртай байна.
Энэ удаад бид нэгэн чухал уулзалтын талаар та бүхэндээ товч мэдээлэл хүргэж байна.

2009 оны 4-р сарын 9-ний өдөр "Мэдээллийн Технологийн Үндэсний Парк"-ийн Ерөнхий Захирал Ё. Сүхбаатарын хүсэлтээр МТҮП талаас тус Паркийн захирал Ё. Сүхбаатар, Инкубаторын Албаны дарга, "Монголын Блогчдын Холбоо"-ны удирдах зөвлөлийн гишүүн С. Эрдэнэбат (Erkardo санаачлагч) нөгөө талаас "Монголын Блогчдын Холбоо"-ны Ерөнхийлөгч Б. Батхүү (3apaa), Удирдах зөвлөлийн дарга А. Амарсайхан (Amarsaikhan), Удирдах зөвлөлийн гишүүн Я. Баярбаатар (Stormy) нар МТҮП-д очиж уулзалт хийж хамтын ажиллагааны тухай санал бодлоо солилцов.

Тус уулзалтаар Мэдээлэл, Харилцаа Холбоо, Технологийн салбар үүсэн байгуулагдсаны 88 жилийн ойг тэмдэглэн өнгөрүүлэх ажлын хүрээнд "Мэдээллийн Технологийн Үндэсний Парк", "Монголын Блогчдын Холбоо"-той хамтарч хэрэгжүүлж болох ажлуудын боломжит хувилбаруудыг хэлэлцэж хамтарч ажиллахаар тохиролцсоноо баяртайгаар мэдэгдэж байна. Бидний хамтын ажиллагаа зөвхөн Мэдээлэл, Харилцаа Холбоо, Технологийн салбар үүсэн байгуулагдсаны 88 жилийн ойг тэмдэглэн өнгөрүүлэх хүрээгээр хязгаарлагдахгүй цаашид ч хамтран ажиллах боломжтой гэж Ё. Сүхбаатар захирал хэлсэн.

Хоёр байгууллага хамтын ажиллагааны хүрээнд тус тусын үйл ажиллагааг дэмжиж ажиллахдаа аль нэгэн улс төрийн хүчинд үйлчлэхгүй.

МТҮП өөрийн нөөц бололцоо болох уулзалтын танхим, техник тоног төхөөрөмж, интернэт болон бусад талаар бидний зохион байгуулах ямарваа нэгэн ажлуудыг дэмжихээ илэрхийлсэн нь бидний үйл ажиллагаанд илт сайнаар нөлөөлөхүйц үйл явдал боллоо гэж дүгнэж байна. Бид лекц, уулзалт болон олон нийтийг хамарсан бусад сонирхолтой үйл ажиллагаануудыг зохион байгуулахад саадгүй боллоо гэсэн үг юм.

"Монголын Блогчдын Холбоо", "Мэдээллийн Технологийн Үндэсний Парк"-тай хамтран ажиллах боломжид тулгуурлан зохион байгуулж болох үйл ажиллагааны санал хүлээн авч байна.

XVII жарны Харшлалт хэмээх Үхэр жилийн мэндчилгээ

2009-02-25T10:04:00.003+08:00

Эрхэм хүндэт блогчиддоо сар шинийн мэндийг хүргэхийн ялдамд ирж буй XVII жарны Харшлалт хэмээх Үхэр жил та бүхний амьдралд аз жаргал, ажил хөдөлмөрт тань амжилт сайн сайхны дээдийг арвижуулж, эрдэм ухааны олз их, эрхэм хүслийн мөрөөдөл арвин, блог дүүрэн бичлэг, богц дүүрэн олзтой байхын өлзийтэй ерөөлийг Монголын Блогчдын Холбооноос өөд өөд нь өргөн дэвшүүлж байна.

Сар шинэдээ сайхан шинэлээрэй!

SOS!!!-2

2009-01-08T17:24:00.007+08:00

Эрхэм уншигч танд энэ өдрийн мэндийг хүргэе!

Монголын Блогчдын Холбооны зорилгод хүмүүнлэг буяны ажил голлох үүрэг гүйцэтгэдгийг энэ ялдамд дуулгах хэрэгтэй болов уу? Энэ зорилгод бид чадах бүхнээ хийн хүрэхийг эрмэлздэгийг та бүхэн анзаарсан буй заа.

Өнөөдөр бидэнд нэн чухал ажилд гар, бие, сэтгэлээрээ оролцох шаардлага гараад байгааг дуулгамаар байна.

Номуун хэмээх хөөрхөн охинд бидний чин сэтгэлийн тусламж тун яаралтай хэрэгтэй болсон байна. Номуунаа маань ээж аав, эмээ өвөө, ах эгч нарын баяр баясал гэрэл гэгээ. Энэхэн бяцхан Монгол охиныг хэлж ирдэггүй хийсч ирдэг хүнд өвчин зовоож байгаа нь сэтгэлийг шаналган өрөвч сэтгэлийн утсыг хөндлөө.

Тэрээр одоо ээж аавынхаа хамт эмчилгээ хийлгэхээр алс харийн улсыг зорисон бөгөөд урт хугацааны турш хийж чадахгүй байсан өвчний оношыг Тайландын Бумрунград Хоспитал-ын эмч нар тодруулжээ. Номуунаа охины цээжинд нь маш том хавдар илэрсэн бөгөөд тэр нь цааш нуруу нугасны мэдрэлийн судсыг ороож дарсан тул охин бүсэлхийнээсээ доош мэдээ алдах өндөр магадлалтай байгаа юм байна. Энэ нь хөлөө хөдөлгөх, өтгөн шингэнээ хянах чадваргүй болох үр дагаварт хүргэх аюултай юм.

Одоогийн байдлаар Номуунд 4 сар үргэлжлэх химийн эмчилгээ хийгдэж байгаа бөгөөд энэ нь хавдрыг нь агшаах зорилготой юм. Эмчилгээний үр дүнгээс шалтгаалан хагалгаа хийгдэх магадлалтай. Статистикийн мэдээллээс харахад нейробластома хавдартай 1-ээс доош насны хүүхдийн эмчлэгдэх магадлал түүнээс дээш насны хүүхдийнхээс 30-35% илүү байдаг байна. Энэ нь Номууныг эдгэрүүлэх их найдвар байгаа бөгөөд бүхий л сэтгэл зүрхнээсээ тусалж дэмжихийг хичээж байна.

Эрхэм уншигч буян сэтгэлт таныг цөөхөн Монголчуудынхаа нэгэн эс бяцхан Номуун охинд тусламжийн гараа сунган туслана уу хэмээн чин сэтгэлээсээ хүсэх байна.

Монголын Блогчдын Холбоо 2009 оны 01 сарын 09-ний өдөр Голомт банкинд хандивын данс нээлээ. Байгууллагын бус хувь хүний хандивын данс нээлгэхээс өөр боломж байгаагүй гэдгийг мэдэгдмээр байна.

Голомт банк

Хүлээн авагч: Б.Батхүү

Төгрөгийн:1501168040
Валютын: 1501168052 хандивын данс нээлээ.

Тус хандивын данс өмнөх үйл ажиллагааны нэгэн адил хоёр хүний гарын үсгээр (3apaa-Б.Батхүү Регистр: ХБ74081671, Stormy-Я.Баярбаатар Регисрт: ХВ79011818) баталгаажуулагдан зардал гаргах бөгөөд тус дансны мэдээллийг цаг тухайд нь энэ блогт мэдээллэж байх болно.

Тус дансанд Монголын Блогчдын Холбооноос 10.000 төгрөг, 10 ам.доллар хандивласнаар SOS!!!-2 хүмүүнлэгийн аяныг эхлүүллээ.

Өмнөх сайн үйлсийн ажлын туршлагын дагуу хандив цуглуулж хүрэх ёстой эзэнд нь хүргэх болно. Бидний өмнөх буяны ажилд итгэж хандив өргөсөн нөхөддөө гүнээ талархал илэрхийлж байна.

Монголын блогчдын холбооны 2008 оны үйл ажиллагааны тайлан

2009-01-07T17:43:00.003+08:00

1. 2008 оны 07 сарын 18 өдөр 18.30 цагт "Хууль Зүйн Үндэсний Төв"ийн хурлын зааланд Монголын блогчдын холбоо гэдэг нэрийн дор нэгдэн анхны уулзалтаа зохион байгуулан байгууллагын цаашдын зорилго, хийх ажил, удирдлагуудыг томилов. Энэхүү уулзалтанд Монголын бүх блог сайтуудын төлөөлөгчид оролцон санал бодлоо солилцосон юм. Тус уулзалтад нийт 60 гаруй блогчид хүрэлцэн ирсэн байна.

2. 2008 оны 7сарын 1-ний явдлаар урлагын байгууллагын ховор бүтээлүүдийг сэргээх зорилготойгоор хандивын дансны үйл ажиллагааг 20 хоногийн турш зохион байгуулав. Нийт 31 блогчдын хандиваар боссон 1.279.000 төгрөгийг хамгийн их хохирол амссан уран зургийн галлерэйд 7 сарын 30ны өдөр хандилав.

3. 2008 оны 08 сарын 30-ны 11.00 цагт Хэвлэлийн хүрээлэнгийн уулзатын танхимд ноён Баабартай уулзах чөлөөт уулзалтад хийн 30 гаруй блогчин оролцож өөрийн үзэл бодлоо ярилцан, мэдээлэл солилцсон юм.

4. 2008 оны 9 сарын 13 ны өдрийн хагас сайн өдөр чөлөөт цагаа зөв болоьсон өнгөрөөх, эрүүл чийрэг амьдрахыг уриалан блогчдын дунд сагсан бөмбөг, ширээний теннисний “нөхөрсөг тэмцээн”-г зохион байгуулав. Тус тэмцээнд сагсан бөмбөгт 25 блогчин, ширээний теннисэнд 23 блогчид амжилттайн оролцов. Сагсан бөмбөгийн тэмцээнд нийт “Үлэмжийн чанар”, “Драптс”, “5 толгой”, “Боргиочид” багууд оролцон Үлэмжийн чанар байг түрүүлэв. Харин ширээний теннисийн тэмцээнийн эрэгтэйчүүдийн төрөлд Эрка, эмэгтэйчүүдийн төрөлд Ицми тус тус түрүүлсэн юм.

5. Мөн энэ оны 11 сарын 21ний өдөр Төв аймгийн Баянчандмань сумын 11 жилийн сургуулийн сурагчдын урилгаар “Блог бидэнд юуг өгөх вэ?” сэдэвт уулзалт семинарыг зохион байгуулав. Үүнд нийт 150 гаруй хүүхэд хамрагдав.

2008 онд блогчид нэгдсэнээс хойш дээрх ажлуудыг хийсэн байна. Дараа жил та бүхний оролцоотойгоор бүүр ч олон үйл ажиллагаа зохион байгуулна гэдэгт итгэж байна.

Хүндэтгэсэн: Мика

Баянчандманийн тайлан

2009-01-07T17:37:00.000+08:00

Өнгөрсөн долоо хоногт Баянчандмань явъя гэж баахан амьтан хүнийг татаж чангаав. Хамаг л таньдаг мэддэг блогчиндоо санал хүсэлт тавив. Ажлын өдөр байснаас ихэнх хүний зав зай болохгүй байв. Тэгээд Банжигийн Гамп, Гөүгөү-н Үлэмж, саармаг Зараа, бид 4үүлээ 4 цагт УБ-с Баянчандмань-н зүг гархаар болов.
Баянчандманаас явуулсан машинд суугаад эхлээд Гампыг ажлаас нь очиж авчаад, Үлэмжийг центерпойнт дээр ир гэж зарилагдчаад зам дээр торойж буй Зараа дээр ирлээ. Гэтэл Зараа ах хордлого авчихсан, дээшээ ч харж чадахгүй хамаг хөлсөө гоожуулчихсан замын хашлага дээр сууж байлаа /Юунд хордсоныг нь хэлээгүй шдээ/. Харваас аймар муу байгаа хүнийг авч явж уулын мухарт баллаад яахав гэж бодоод үлдээхээр шийдэв.
Биднийг явах гэж мунгинаж явах зуур гөү гөү-н Дэвдээхэй Зараа ахаасаа бичгийн цаас авхаар ирсэн байж таарав. Дэвдээхэйд хэлтэл цаадах чинь явмаар байна гэв. Тэхдээ юутай ч Зарааг гэрт нь хүргэж өгөөд ирий гээд яваад өгөв. Ингээд Гамп, Үлэмж, бидэн 3 яг явхыг завдан суутал үнэн санаачлагатай Сторми өөрийн машинтайгаа "би явнаа" гээд хүрээд ирсэн. Цаг давчуу, хүүхдүүд цугларсан, багш утасдаад, жолооч яараад байсан учир Стормиг араас хүрээд ир гэчихээд 3уулаа гараад шидцэн.
Замдаа Үлэмж лекц бэлдээл аргагүй л багш хүн шиг байв. 30 минут хүрснүү үгүй юү ниссээр Баянчандманьд хүрээд ирэв. Сургуулийн үүдэн дээр багш тосч аваад дотогш орууллаа. Ямар ч байсан жолооч бол ФОРМУЛА-д уралдаж байгаа ШУМАХЕР шиг л давхиж байсныг хэлэхгүй бол болку байх. .

Орсон чинь аягүй хөөрхөн жижкэн жижкэн хүүхдүүд өндөлзөөд, бондойгоор суучихаж. Нилээн олуулаа байнаа. Нийтдээ 150 гаруй хүүхэд цугларсан гэсэн. Бид жоохон хоцорч очсон тул иртэл нь гээд урлагын тоглолт зохион байгуулсан байв. Орсны дараа биднийг тайзан дээр гаргаж суулгаад 2 сурагч морин хуур дарж өгөв. Аянд нь сайхан уяраад авсан.

Тэр хүүхдүүд цугласан өрөө ямар хөөрхөн байсан гээч, Яг шинэ жил болох гэж байгаа юм шиг саа, шаараар чимэглэсэн байсан. Хүүхдүүд ёстой бондгор, хайрлахгүй байхын аргагүй гэдэг шиг харагдаж байсан. Бид 3-г байнга дагуулж хараастай. ккк

Ингээд хүүхдүүдэд зориулан Үлэмж ах лекцээ уншив. Лекцэнд интернэт гэж юу вэ, блог гэж юу вэ?, хүмүүс яагаад блог бичдэг, ямар ач холбогдол нь юм? гэх мэт асуултуудад хариулт өгөхүйц мэдээлэл байлаа. Гамп ах блогыг хүүхдүүдийн амьдралтай холбож ярьхыг зөвлөсөн. Дараа нь би жоохон напи напи хийжаагаад маргааш өглөө 11 цагт хүүхдүүдтэй дахин уулзахаар тохироод тэр өдрийн ажилаа дуусгав. Ярьж байх үеээр хүүхдүүд аягүй хөөрхөн чимээгүй сонсоод, анхааралтай сууж байсан. Ганц нэг хүнийг эс тооцвол /атман, тэжээлийн блок нарыг дурьдсангүй. Түрүүлж очсон хүмүүс аппаратгүй байсан учир ямар ч зураг авч чадаагүй/.

Ажилаа дуусгаад мэдээлэл зүйн өрөөнд нь орлоо. Хамаа намаагүй өрсөн, угсарсан компютер байхийг олж харлаа. Дээр нь АМ ЦАНГАВ гээд биччихэж. Хархад ёстой сонин, бас гайхалтай. Тэр компюьерийг хотын нилээд гайгүй сургуулиас ч олохгүй байх. Энэ бүхнээс мэдээлэл зүйн багш ямар идэвхи санаачлагатай болох нь харагдаж байсаан.
Мэдээлэл зүйн өрөөнөөс 5 алхаад л бидний байрлах 5 ортой өрөө байдаг юм билээ. Түрүүчийн бичлэг дээр тавьсан зурагнаас хамаагүй тохилог, сайхан өрөө байсан.
Өрөөндөө хальт орчоод хоол идхээр гал тогоонд ирэв. Тогооч эгчийн хийсэн, орги гурилтай шөл. Тасархай амттай /хоолыг нэр хүндтэй идэх тухай бичээгүй/.

Хоолоо идээд сууж байтал араас манай хэсэг блогчид ирлээ гэж дууддаг байгаа. Гараад хартал 2 машин дүүүрэн хүн. Тодруулбал Сторми ахын цуглуулж ирсэн Гадаад хэл, Дэвдээхэй, Компот, Зараа, Сайнаа, Май газар, Анимэ гэсэн нөхдүүд байлаа. Тэднийг багш дагуулж орж хоол идүүлээд, дахиж нэмж 6 ортой өрөө гаргаж өгсөн. Ингээд хүмүүс хоорондоо пан пан хийж байгаад нилээн орой унтах шиг болсон.
Маргааш өглөө эртэч ах Гампаар сэрээлгэсэн манай өрөөний 4 хүн /Гамп, Үлэмж, Гадаад хэл, Би/ босоод Үлэмжээр хажуу өрөөний 7 хүнийг /Зараа, Дэвдээхэй, Анимэ, Сайнаа, Компот, Сторми, Май газар. Манай өрөөнд байсан 2 сул орыг тоохгүй, хажуугийн өрөөнд бөөнөөрөө хэрхэн унтсаныг хэлкүэ/ сэрээлгэв.

Эрт боссон зарим залуус маань очиж хүүхдүүдэд туслан мод түлээ хагалаж өгч, хоорондоо найзууд шиг л байсан гэжугам. Хөдөөний сургуулийн хүүхдүүд өөрсдөө гал түлээгээ бэлддэг юм билээ.
Тэгээд цайгаа уучаад өглөөний цэвэр агаар амигалангаа ууланд гарч хийморио сэргээгээд авав. Багш тэндхийн сонин сайханг ярьж, манай хэд бие биенээ хөгжөөж явлаа /Үлэмж цасан дээр хөлөөрөө нэр бичсээд байсныг , Май газар замын цагдаа хийснийг хэлсэнгүй кк /.
Эргэж ирээд сууж байтал сургуулийн захирал багш биднийг хүлээн авч уулзая гэж дуудуулсан юм. Нэгэнт ирсэн хүмүүс чинь сургуулийн захиралыг хүртэл блог бичих ажилд уруу татаж, санал сэтгэгдэлээ солилцов. Хүмүүс ингэж их сэтгэл гаргаж байгаад нь ёстой их баярлаж, хайр хүрсээр явсан.

11 цагт мэдлээлэл зүйн өрөөнд орж ирсэн хэсэг хүүхдүүдтэй блогын тухай ярилцаж, асуусан асуултанд нь хариулж суув. Тэр зуур Баянчандмань-н сургууль маань өөрөө блогтой болов. /Зараа ах сүйхээтэйгээрээ гялс гөү гөү дээрээ нээгээд өгснийг дурьдаагүй шүү/ Хаяг нь: http://bayanchandmani.blog.gogo.mn манай блогчид зав зайтай үедээ орж байхгүй юу.

Бас нэг сэтгэл хөдлөгөсөн зүйл бол тэр сургуулийн 8-н Б ангийн сурагчид /Зураг дээр 8Б-нхан/ багшийн оролцоогүйгээр өөрсдөө хийсэн гээд дурсгалын самбар бэлэглэсэн. Ёстой хөөрхөн. /Самбараа дараа харуулнаа./

Нэг ч гэсэн блог нэмээд гэрийн зүг давхицгаав. /замдаа юу ярьсныг орхисон/
Тэнд өнгөрөөсөн нэг өдөр үнэхээр дурсгалтай сайхан байлаа. Сэтгэл гарган хамт явсан блогчин андууддаа бас биднийг чих тавин сонссон хүүхдүүддээ, сургуулийн удирлагуудад маш их баярлалаа.
Блогчидтой уулзсанаар тэр сургуулийн нилээн хэдэн хүүхэд блог бичихээр шийдсэн байх гэсэн найдвар өвөрлөсөөр гэртээ ирэв...
Жич: Миний бичээгүй болон, ам ч нээгээгүй элдэв хошин, инээдмийн юмнуудыг манай алдартай нөхөр Гамп блог дээрээ бичих байхаа.

Энэ бичлэгийг нийтлэж байх үед тэндхийн сургуулийн нэг хүүхэд мснжрээр блог нээсэн тухайгаа хэлж байна. Гөү гөү дээр нээсэн байна. Архагууд сайн туслаад хүн болгоод авна биз. Блог хаяг нь: http://xuvilgaan.blog.gogo.mn/ . За бүгдэнд нь амжилт хүсье.

Баянчандманьд хайр хүрээд..

2009-01-07T17:36:00.000+08:00

Одоогоос 2 сарын өмнө өглөө ажилдаа ирээд мэйлээ шалгав. Жи-мэйлд маань Төв аймгийн Баянчандмань сумын нэгэн 10 жилийн сургуулийн мэдээлэл зүйн багшийн бичсэн захиа ирсэн байна. Тэрээр захиандаа: Bi bolon manai suragchid tanii blog-oor zochilon orox durtai tiimees blog-iin talaar tuunii ach xolbogdoliim talaar online iltgel taviad ogoochoo gesen xuseltiig tavij bna. Tov aimgiin Bayanchandmani sumiin suragchid ooriin ireeduigee ooroor xarax bolomjiig olgono gedegt ix naidaj bna. Medeelel zuin basg... гэсэн байлаа. Миний блог бичдэг, хүүхдүүдэд илтгэл тавих гэж юу байхав. Гэхдээ л энэ захиаг аваад их урамшсан юм. Миний блогруу ордоггүй хэсэг, хараад гардаг хэсэг, сэтгэгдэл үлдээдэг хэсэг, мэйл бичдэг бас хэсэг хүмүүс байдаг. Мэйл бичдэгүүдээс нь гэвэл сайхан блог байна, үүнтэй санал нэгдэж байна, энийг хүлээн зөвшөөрөхгүй байна, блогоор чинь үргэлж ордог, танилцая... гэх мэтчилан. Гэтэл энэ удаагийнх шиг хүүхдүүдийн ирээдүйд өөрийнхөө хувь нэмрийг өчүүхэн ч гэсэн оруулаач гэсэн мэйл нэг ч ирээгүй билээ. Захиаг аваад бодсон. Би тэр хүүхдүүдэд туслаж чадах болвуу? гэж.. Тэгээд юутай ч гэсэн онлайнаар яаж яриа хийх, ямар боломжтой, хэдэн хүүхэд уншдаг, одоогийн нөхцөл байдалын талаар асуулаа. Тэгээд ярилцаж явсаар 2008 оны 11 сарын 21ний өдөр биеэр очиж илтгэл биш яриа, чөлөөт уулзалт маягийн юм хийхээр тохиров. Тэр уулзалтанд дор хаяж 11 жилийн 100 хүүхэд, дээрээс нь тэндхийн компьютерийн сургуулийн хүүхдүүд, багш нь ирнэ гэсэн. Сэтгэл их хөдлөсөн.

Хамгийн гоё нь би ерөөсөө бодож санаагүй зүйлсийг тэд сэтгэн, зөндөө их сэтгэл гарсан явдал юм. Жишээ нь: зөөлгөхөөр тэндээс нэг жижиг машин явуулна /замын машин нэг хүн 3500 төг гэсэн/, тэндээ зар тараагаад зөндөө олон хүн цуглуулсан, нэг ирж байгаам чинь эрүүл агаарт гараад ав гээд сурагчийн дотуур байрандаа хонуулна /5 ортой юм билээ/, өнөөдөр бүүр уулзалтын хөтөлбөр хийгээд явуулсан байх юм.. Бүх хүмүүс хүлээгээд догдолж байгаа гэсэн. Энийг нь сонсохоор бүүр хайр хүрээд болдогүй.

Дотуур байр.

Яриа хийх тэнхим.

Яриа, цагийн хувьд:

Одоогоор надтай хамт 3,4 архаг блогчид явна гэж яриад байгаа бөгөөд тэдэнд үнэхээр их талархаж байна. Алс хөдөө байгаа тэр хөөрхөн хүүхдүүд компьютер гээч юмыг ашиглаад, галт үнэгээр интернэт гээчийг мэдээд, дээрээс нь Монгол блогоо уншаад явна гэдэг чинь том дэвшилт гэж бодож байна. Тийм ч учраас тэдний ирээдүйд өөрийн чадах өчүүхэн хувь нэмрийг оруулах юмсан гэж хичээгээд л.. Манай мундаг блогчид энэ ажилд маань туслах байх өө тэ. Цаг нь давчуу ч сэтгэл гаргаад хийвэл бүх юм бүтнэ бизээ. Юутай ч уулзаж ирээд сонин хачингаа дуулганаа.

Блогчдын бичлэгүүд хэвлэлд нийтлэгдсээр ..

2009-01-07T17:35:00.001+08:00

Зиа хожуу дуулгаж байгаадаа хүлцэл өчиж байнаа.

Монголын блогчдын холбоо нийт блогчдынхоо бичлэгийг сонинд хэвлүүлэх, телевизээр нэвтрүүлэх, эмхэтгэл болгон хэвлүүлж захын хорооллын иргэдэд тараах гэсэн үйл ажиллагааны зорилттой байгааг эрхэмүүд мэдэж байгаа биз ээ. Тэгвэл энэ ажлын хүрээнд өнгөрсөн бямба гаригт "Өдрийн сонин"-ын дугаарт "Блог ертөнц" хэмээн нэрлэгдсэн бүтэн нүүр дүүрэн блогчидын бичлэг хэвлэгдэн гарлаа. Мөн тус сонины Daily news.mn вэб сайтад тавигдсан байна.

"Блог ертөнц"-д:

- GoGo.blog-ийн Үлэмж блогийн "Дарангуйлагчийн дурсгалыг хүндэтгэсэн нь ба арван жилийн хөгтэй явдал",

-Борооны дараа блогийн "За байз өө, яажшуухан мөнгөтэй болдийм билээ",

-Banjig.net блогийн Хашир Анжигай ингэж хэлэв блогийн "Монгол бүсгүйчүүдээ эрчүүд бид л өмөөрнө шүү дээ" болон "Монголчуудын цусанд нь байнаа, тэр тамын тогооны үлгэр" бичлэгүүд орсон байна.

Ингээд цаашид Монголын блогчидын холбоо үйл ажиллагаагаа тасралтгүй явуулсаар байх болно. Дашрамд хэлэхэд Монголын өдөр тутмын томоохон сонин дээр блогчидын үзэл бодлыг хэвлэн нийтлэхэд тусалсан Стормидоо баярлалаа гэж хэлье.

Анхаарал тавьсанд баярлалаа

Блогчид Баабартай уулзлаа

2009-01-07T17:28:00.001+08:00

Блогчид Баабартай уулзлаа. Уулзалт 11 цагаас гэж төлөвлөсөн ч цагаасаа бараг нэг цаг гаруйн дараа эхэлсэн юм. Түүнийг ирсний дараа бид асуулт хариултаа юун түрүүнд “Монголын блогчидын холбоо” гэдэг байгууллага байгуулаад түүнийхээ нэрийг авах гэтэл “блог” гэдэг үгийг орчуулж ир гээд байна яах вэ гэсэн “зовлонт” асуултаар эхэлсэн юм. Харин энэ асуултанд тэрээр тун хурдан бас хөгжилтэй хариулсан нь “Г У Ц” гэж хэл гэсэн хариулт байлаа. Өөрөөр хэлбэл төрийн байгууллагын ажилчид цаг үетэйгээ хөл нийлүүлэн алхаж чаддаггүй, юм мэддэггүй гээд л ярьж өгсөөн, хэхэ.

Тэгээд эрхэм блогчидод маань уулзалт ярилцлага таалагдсан гэж бодож байна. Хэрвээ хүсвэл цөмөөрөө улиралд нэг удаа хүн амьтантай уулзаж, ярьж хөөрч, санаа бодлоо солилцож байя.

Жичэд нь хэлэхэд манай блогийн уулзалтыг хүндэтгэн ирж, бидэнд тус дэм болсон блогспотын эрхэм анд Микадаа туйлаас баярлаж буйгаа илэрхийлэхэд таатай байна.

Уулзалтанд хүрэлцэн ирсэн нийт блогчид, блог уншигчиддаа баярласан талархсанаа илэрхийлж байна.

Нөхөрсөг тэмцээн амжилттай болж өнгөрлөө

2009-01-07T17:25:00.001+08:00

Юун түрүүнд блогчидоос санаачлан, блогчид зохион байгуулсан Сагсан бөмбөг, ширээний теннисний нөхөрсөг тэмцээн амжилттай болж өндөрлөснийг дуулгахад таатай байна. Тэмцээний зорилго нь блогчид танилцан нөхөрлөх, амралтаа үр дүнтэйгээр өнгөрөөх байсан юм. Мөн бидний хэдэн блогчидын зохион байгуулсан тэмцээнийг гололгүй, ирж хурд хүч, авхаалж самбаагаа сорин оролцсон Банжиг блогчидод талархаж буйгаа илэрхийлж байна.

Юутай ч блогчин залуус маань амралтын өдрөө идэвхтэйгээр өнгөрөөж, биеийн тамирыг мандуулсан явдал хамгаас гол болохыг бид өмнө дурьдаж байсан. Үргэлж ширээний ард, компьютер ширтэн суудаг та бидний хувьд хааяа ч болов хөдөлж, биеийн чилээгээ гаргаж байх нь сайн талтай билээ. Ингээд та бүхэнд тэмцээний дүнгийн талаар товч танилцуулъя.

Сагсан бөмбөгийн тэмцээнд баг тус бүр 5-6 хүнтэйгээр, “Үлэмжийн чанар”, “Драптс”, “5 толгой”, “Боргиочид” гэсэн дөрвөн багт хуваагдан тоглолоо. Ингээд дөрвөн багаас гурван хожилтойгоор “Үлэмжийн чанар” баг хожиж, Банжиг блогчидын “Боргиочид” баг хоёрдугаар байранд орлоо. “Үлэмжийн чанар” багийн ахлагчаар Цоомоо гишүүдэд Hi Dalai, Tsahlai, Erka, 1st design, Jasmine нар байлаа. Харин “Боргиочид” багийн ахлагчаар Н.Батжаргал гишүүдээр З.Баасанжав, Б.Ууганбаяр, Н.Амгаланжаргалан, Н.Алтанцэцэг, Н.Ням-Очир нар байлаа.

бүгдээрээ зургийн аппаратанд багтдаггүй ээ кк.

"Үлэмжийн чанар" багийнхан

Багийн ахлагчид зөвлөлдөж байна.

Харин Ширээний теннисний тэмцээнд нийт 16 эрэгтэй, 7 эмэгтэй оролцсоноос эрэгтэйчүүдийн төрөлд Эрка, эмэгтэйчүүдийн төрөлд Ицми түрүүллээ.

За эдгээр нөхөд дээр гурав, дөрвөн зурагчид бас байгаа.

Ингээд эрхэм блогчид та бүхэн амралтын өдрөө үр дүнтэйгээр өнгөрүүлсэн хэмээн найдаж байна.

"МОНГОЛЫН БЛОГЧДЫН ХОЛБОО" -с УРАН ЗУРГИЙН ГАЛЛЕРЕЙ-д хандив өргөлөө

2009-01-07T17:08:00.003+08:00

"Монголын блогчдын холбоо"-с 7 сарын 1-ний үймээний үеэр сүйтсэн ховор нандин урлагын бүтээлүүдийг сэргээх, аврах зорилгоор Гөү гөү сайттай хамтран блогчдын дунд өрнүүлсэн хандивийн "SOS!!!" хөдөлгөөний үйл ажиллагаа 2008 оны 7 сарын 30-ний өдөр Уран зургийн галлерей-д хандиваа хүлээлгэж өгснөөр өндөрлөлөө.

Интернэт хэрэглэгчдийн дунд шинэхэн бий болоод байгаа ч хэдийнээ олон мянган хүнийг эгнээндээ нэгтгэж чадсан үйлчилгээ бол яах аргагүй блог юм. Дэлхийн хаанаас ч, хүссэн хүнтэйгээ үзэл бодлоо илэрхийлэн нийтэлж, хэлэлцэж “интернэтийн сэтгүүлч” байх боломжийг бий болгодог блогийн үйлчилгээ олон хүний сонирхлын нэгдэл, шаардлага дээр тулгуурлан “Монголын блогчдын холбоо” төрийн бус байгууллагыг энэ оны 7 сарын 3ны өдөр нээн, 18ны өдөр анхдугаар хурлаа зохион байгуулаад 60 гаруй блогчид оролцож байсныг санаж байгаа байх.

Үзэл бодол, байр суурь өөртэй ч интернэтийн чөлөөт ертөнцөд нэгдэн нийлж чаддаг залуусын байгуулсан “Монголын блогчдын холбоо” нь анхныхаа үйл ажиллагааны нэг болох "SOS!!!" хөдөлгөөнийг тун амжилттай зохион байгууллаа. Энэ бол долдугаар сарын нэгэнд болсон үймээний үеэр үрэгдсэн урлагийн бүтээлүүдийг нөхөн сэргээхэд зориулагдсан “SOS” хандивын аян байлаа. Тус хандивын аянд цугласан 1 сая 278,762 төгрөгийг өнөөдөр Уран зургийн галлерейн захирал Ч.Энхцэцэгт гардуулан өглөө.

Монголын Блогчдын Холбооны Анхдугаар Уулзалтын тойм

2009-01-07T16:06:00.000+08:00

"Монголд блогчдын холбоо" гэдэг байгууллага мэндэлсэн тухай нилээн олон блогчдын чихэнд хүрсэн байх. Холбоо маань мэндлээд анхныхаа уулзалтыг 18 ны орой зохион байгууллаа гэж. Уулзалтанд 60 гаруй блогчин залуус ирээд, хамт сууж байгаад дүрэм журмаа батлаад, тэргүүн болон удирдах зөвлөлийн гишүүдээ зоогоод, асуудлуудаа санал хураах замаар шийдвэрлээд, янз бүрийн сайхан санаа дэвшүүлээд, блогчдын дундаас төрсөн "Амьдрах хүслэн", "Монгол хүүхэд", "СОС" хөдөлгөөнүүд өөрийн үйл ажиллагаа, тайлангаа тавиад, ижил төстэй үйл ажиллагаа явуулдаг хэд хэдэн байгууллагуудтай хамтран ажиллахаар болоод, З.Энхболд, Су.Батболд зэрэг УИХ гишүүдийн захиа занааг уншиж өгөөд, эцэст нь зураг хөргөө татуулсийн. Юутай ч блогчдын АНХДУГААР УУЛЗАЛТ маань амжилттай болж өндөрллөө гэж.

Цаашдаа ч бас хэлэлцэх, шийдэх, хийх ажлууд зөндөө болсоон. Тэрнийгээ дараа нь сайхан тодорхой, эмх замбараатай бичимз.
"Албан уулзалт" өндөрлсний дараагаар "чөлөөт уулзалт"-аа хийхээр нилээн хэдэн газар очсон боловч ахмадын холбооны "Баасан эгчийн төрсөн өдөр" өргөн болжийсон учир багтаж орох зай завсар хотын төвийн БАР-нд олдсонгүйэ хөөрхий. Тэгээд эцэст нь "Галлерей" гэдэг ГӨҮ ГӨҮ-ийнхний цугладаг уушийн газар очиж 30-н хэдүүлээ танилцаж, элдэв бусын зүйл ярилцаж, патер энэ тэрээ татуулж, пиав миаваа залгилсаар нэгэн өдрийг үдлээ. .

/зурган дээр дараад арай томоор хараарай. Тарсны дараа, нилээн олон хүн түрүүлээд гарчихсан байсан болхоор үлдсэн хэд нь дүрсээ үлдээв./

Манай блогчид "МОНГОЛЫН БЛОГЧДЫН ХОЛБОО" гэдэг нэрийн доор нэгэн зорилгод сэтгэл зоригоороо нэгдэн, бие биенээ дэмжиж байгаа нь үнэхээрийн бахархамаар, бас сайшаамаар. Блог бичдэггүй залуус ч бас блогын амтыг мэдрэх шиг болсон.. Блогоо мартсан зарим хүмүүс ч тууштай хөтлөе гэж ярьжийсан.

Блогчид маань хоорондоо нэгдээд юм хийвэл маш их нөөц бололцоо байгаа гэдгийг бүгд сонссон, харсан, мэдэрсэн. Аан тийм бас уулзалтанд манай Банжигийнхан, Гөүгөү-ийнхэн, Блогмнийнхэн их идэвхтэй ирж оролцсонд нь баярлснаа хэлхээ мартах нь.

Монголын Блогчдын Холбооны Анхдугаар Уулзалт

2009-01-07T12:48:00.000+08:00

2008 оны 07 сарын 08 өдөр дараахь нэр бүхий блогчид цуглаж холбоо байгуулах шаардлага, зорилго зорилт, хийгдэх ажлуудын талаар санаа оноогоо солилцлоо.

"Монголын Блогчдын Холбоо" гэж нэрэн доор эвлэлдэн нэгдэх болсон билээ.

Тус холбооны гол зорилго нь "Интернэтийн орчинд бүрэлдэн тогтсон мэдээллийн сангийн эх үүсвэрүүдийг ашиглан боловсрол танин мэдэхүйн, оюунлаг мэдээллээр иргэдийг хангах, ухамсар боловсролын төвшинг дээшлүүлэх төрөл бүрийн арга хэмжээг зохион байгуулах ашгийн бус хүмүүнлэг иргэний үйл ажиллагааг дэмжигч сайн дурын байгууллага болоход оршино."

Хурлын шийдвэрээр Монголын бүх блогчдын уулзалтыг 2008 оны 07 сарын 18 өдөр 18.30 цагт "Хууль Зүйн Үндэсний Төв"ийн хурлын зааланд хийсэн.
Энэхүү уулзалт нь
1. Холбооны зорилго, үйл ажиллагааны чиглэл, зохион байгуулалт, хөгжлийн чиг хандлагыг танилцуулах
2. Холбооны дүрэм журамыг хэлэлцэх
3. Холбооны тэргүүнийг сонгох
4. Нөөцөө тодорхойлох
5. Хийгдэх ажлуудын талаар санал бодлоо солилцох зорилготой байсан юм.
Тус уулзалтад нийт 60 гаран блог бичигч нийтлэгчид хүрэлцэн ирж санал бодлоо хуваалцсан билээ.